Қарағандыда «Қазақтың би-шешендерінің мұрасы» жобасы іске асырылды

Қазіргі таңда жеке адам ғана емес, тұтас ел-жұрт бәсекелестік қабілетін арттырғанда ғана табысқа жету мүмкін екеніне көз жеткізген. Ал бәсекеге қабілеттілік дегеніміз – жекелеген феноменнің яки ұлттың аймақтық немесе жаһандық нарық бағасына өнімінің яки қызметінің сапасымен өзгелерден ұтымды дүние ұсы¬нып, ықпал етуге қабілеттілігі, сайт редакциясы хабарлайды EKARAGANDA.KZ AAGANDA.KZ

 Бұл тұста әңгіме материалдық өнімге ғана емес, сондай-ақ білімге, қызмет көрсету сапасына, зияткерлік өнімге, еңбек ресурсының сапасына да қатысты. Бұл аксиома-пайым мемлекетіміз басшысының «Болашаққа бағдар: рухани жаңғыру» атты (2017 жылғы сәуірде жарияланған) мақаласында да көрініс тапты. «Қазақтың би-шешендерінің мұрасы» жобасының негізгі мақсаты – жан-жақты дамыған, сегіз қырлы бір сырлы, бәсекеге қабілетті тұлғаны қалыптастыру. 

Жоба аясында 4 пән бойынша Қарағанды, Саран, Шахтинск қалаларында тренингтер өткізілді: «Шешендік өнер әліпбиі» «Мақсатқа жету технологиясы», «Көшбасшы болуға үйренейік», «Бақытты болғыңыз келсе».

фото: сайт редакциялары EKARAGANDA.KZ

Облыстың Абай, Бұқар-жырау, Шет және Ақтоғай аудандарында «Қазақтың би-шешендерінің мұрасы» дәрістері өткізілді.

Аталған іс-шараларды Е. А. Бөкетов атындағы Қарағанды мемлекеттік университетінің қазақ әдебиеті кафедрасының профессоры, филология ғылымдарының докторы, Халықаралық Ақпараттандыру Академиясының (МАИН) академигі, әдебиеттанушы ғалым, сыншы Жандос Қожахметұлы Смағұлов өткізді.

фото: сайт редакциялары EKARAGANDA.KZ

Жобаны Қарағанды облысының Азаматтық альянсы «Қарағанды облысының ішкі саясат басқармасы» ММ тапсырысы бойынша іске асырды.